Labai, eus cuncordau custu FORUM po nosi fueddai de pari de pari asuba de is Arrègulas de sa Norma Campidanesa de sa Lìngua Sarda e lompi diaici a fai bessiri sa Norma Campidanesa sa mellus Norma e sa prus Norma democràtica chi fait oindii.
Eus a arrespundi a chini si presentat cun nòmini e sangunau sceti.
NO EUS A ARRICIRI DE PERUNA MANERA ABÈTIAS PERSONALIS O FATAS APOSTADAMENTI PO SCULAI SU LOGU.
Duncas scriei cun s’arraxoni de s’interessu po su sardu e cun s’arrespetu chi dexit a su Pòpulu Sardu, a sa Provìntzia de Casteddu e a chini at traballau annus po scriri su lìburu de is Arrègulas.
Gràtzias a totu is chi ant a scriri aguantendi a notu custu disìgiu nostu.
Su Comitau Scientìficu
Fintzas a candu fait a ndi fueddai innantis de su prossimu “sèlliu”?
saludi Marcu
saludi, seu ligendi su lìburu de is arrègulas e po meda ‘e cosa seu di acòrdiu, tengu calincuna duda po sa liniedda – in mesu a is verbus poita ca in atras lìnguas neolatinas no dui esti.fortzis podit essi ùtili a s’ìnghitzu po imparai a scriri……
mi dispraxit ca no seu pòtziu benni sabudu a s’ascurtai.
a si biri Arricardu
Oresti Pili, su presidenti, at inditau su 30 de cabudanni comenti a ùrtimu dii po arriciri consillus po amellorai sa faina.
Sarvu àteru strobu chi podit incapitai, sa dii est cussa duncas.
Po totu s’àteru assentai-sì a su forum ca ndi arraxonaus!
tocat a fai allestru insandus!
Deu pensu ke siada una cosa bastanti bona …. no appu ancora liggiu su libru, perou deppu nai ke m’interessadat meda; Si seu campidanesu, ma ‘anti de tottu seu sardu e cummenti a sardo amu sa lingua/limba mia e tottu….immoi sa pregunta est….ma diaberu no fiat posibili a dda unificai una ‘otta po tottus custa limba/lingua?. Su futuru ‘e su sardu est craru: Unu campidanesu “logudoreggianti”