Emanuele Garau

(Casteddu)

S

’est laureadu in iscenografia a s’Acadèmia de sas Bellas Artes de Tàtari; amantiosu e istudiosu de su connotu, fintzas a oe at iscritu noe lìberos subra su connotu musicale de Sardìnnia, unu romanzu e una monografia subra de sa cantante folk famada Maria Carta.
In su 1995 comintzat sa carriera de cantante solista de cantos sardos de su connotu. In su 2000 binchet su primu prèmiu a su cuncursu “Music World” de Fivizzano (MS) in sa categoria “cantu populare a solu”.
In totu sa vida artìstica sua, Emanuele Garau at cantadu in d-una cantidade manna de ispetàculos in Sardìnnia, in Itàlia e fora de Itàlia.
Est andadu invitadu a sa televisione e a sa ràdiu e at fatu medas atòbios in Sardìnnia e fora comente ispertu de su connotu. In su 2003 est istadu professore de “Etnologia de sa mùsica” in s’Universidade de Casteddu in su maistarzu post-universitàriu “Approcci interdisciplinari nella didattica del sardo”. At fatu puru unu biazu de cursos de formassione pro professores subra su connotu de Sardìnnia. Dae pagu at lassadu sa boghe sua pro fàghere unos cantu documentàrios pro RAI3, RAI Sardegna e Radio RAI Sardegna.
Est de importu mannu sa relata de Emanuele Garau cun su teatru; at fatu unu bellu paju de fainas teatrales subra su connotu sardu, ma dae pagu est istadu puru unu de sos protagonistas de s’ispetàculos “Su tempus malu” cun sa regia de Alessandro Arabito, umpare a Maria Luisa Congiu e Clara Farina.