Martis su 21 de cabudanni, a is 5 e mesu in sa biblioteca de sa Regioni de Biali Triesti in Casteddu, su visu-presidenti de s’assòtziu nostu at a sterri un’arrelata apitzu de is nòminis sardus de is steddus, movendi de sa fueddada de bidda sua, Ollollai. Sa chistioni perou no est sceti de nòminis ma finsas de unu muntoni de credèntzias acapiadas a custu mundu chi is Sardus eus sèmpiri tentu in grandu cunsideru e chi oi, a dolu mannu nostu, seus arrischendi de perdi e de nci-ddas lassai arrui in su scarescidòrgiu.
Chelu isteddau e credèntzias populares
Sàbudu 27 in Sàrdara: SU SARDU E IS LÌNGUAS DE MINORIA: UNA PROPOSTA PO ADERETZAI SA CARTA EUROPEA
Sàbudu 27 de su mesi de Ladàmini a is 10:00 in Sàrdara (bia Aristanis 59): SU SARDU E IS LÌNGUAS DE MINORIA: UNA PROPOSTA PO ADERETZAI SA CARTA EUROPEA “S’Italia dei Valori ndi boddit sa pedidura fata de is Rossomori e de sa Confederazione Sindacale Sarda po presentai in Parlamentu una proposta po aderetzai sa Carta Europea de is lìnguas […]
S’Acadèmia in Ollollai
Su presidenti Oresti Pili e su visu-presidenti Tonino Bussu ant a essi in Ollollai custu sàbudu po su cuncursu de su binu sardu, aundi ant a chistionai de is òperas de s’editori ‘Delfino’. Ddoi ant a essi finas duus bingiateris chi ant a contai de su traballu insoru in sardu e poesias in lìngua sarda. Programa
Sa Dii de sa Lìngua Sarda in Cabuderra
In Cabuderra me is diis 7, 8, 9 e 10 de su mesi de ladàmini (ottobre) s’at a afestai Sa Dii de sa Lìngua Sarda, aundi totus ant a fueddai in sardu, in cumpangia de lìburus (Su ditzionàriu de sa Domu de Giuseppe Pili; Paleosardo – Le radici linguistiche della Sardegna neolitica di prof. Eduardo Blaco Ferrer; Su Vangelu de Giuanni tradùsiu de Pedru Cruccas) mùsica […]
Arrelata de Giacu Meloni
S’arrelata chi Giacu Meloni, su segretàriu de sa CSS, at lìgiu eriseru in su Consillu Regionali po s’atòbiu chi ant fatu po arraxonai de sa crisi de sa chìmica in Sardìnnia. Grandu merescimentu de su segretàriu chi at sceberau de chistionai in sardu, finas scriendi s’arrelata sua cunforma a is inditus de s’Acadèmia e de is Arrègulas. Sa furriadura in […]
COMUNICAU
Acadèmia de su Sardu onlus fait sciri a totu is tesseraus ca cras de a merii at a essi fatu su Cungressu po torrai a annoai, cunforma a sa Carta, su Diretivu, su Boddeu Scientìficu e po eligi su presidenti nou. Craramenti s’Acadèmia at a sighiri su tretu fatu finsas a imoi cun Oresti Pili e Alessandro Pintus, in sa […]
Leave a comment