Benito Urgu e i Barrittas

(Aristanis, 1939)

C

antautore, atore còmicu de cabaret, de televisione e de tzìnema.
Comintzat a zòvanu in sa frota I nuraghi sonende e cantende in sas salas pro ballare e in sas pratzas, cantones chi fin a sa moda e cantones iscritas dae issos etotu comente Su twist ‘e Giuannica, o Cambale twist, chi retzin apretziamentos mannos in Sardìnnia e fintzas in terramanna, gràssias a sa RAI.
Lassat sa frota musicale e comintzat a triballiare cun d-unu circu sardu, su Circo Armando, inue imparat tempos e segretos de su teatru e de s’iscena.
In su 1962, umpare cun Frantziscu Salis (ghiterra), Antoni Albano (ghitarra), Nello Cocco (bateria), Guidu Cocco (teclada) e Antoni Salis (ghiterra bàscia) nde istantarzat sa truma Barrittas chi at luego apretziamentos mannos.
Sa frota tribàlliat meda in totu s’Itàlia comente frota beat. In is annus ’70 comintzat sa carriera de cabaret de Benito, chi l’at a giùghere pro bint’annos e prus in giru pro totu sa Sardìnnia cun ispetàculos de “variedade” cun pessonazos, espressadas, struturas gramaticales e pronùntzias miscende sardu e italianu regionale, leadas dae sa vida de donzi die e postas apare pro istòrchere sos Sardos de manera ispassiosa: Marianna e il marokino, Visitors, Polvere di stelle, Un giorno in pretura, Chi l’ha visto, Ciccitta è facendo salciccia, Tuttourgu, Latte e cozze, Bugie, Tonteddu…
Donzi ispetàculu est registradu in musicascitas chi su pùbricu chircat a pedra furriada pro lu torrare a intèndere torra in domo.
Dae sos annos ’90 e fintzas a oe Benito brincat torra su mare e andat a triballiare cun produssiones nassionales a sa RAI e àteros programas nassionales cun atores e autores comente Piero Chiambretti (Prove tecniche di trasmissione, L’inviato speciale, Markette – tutto fa brodo in TV), Toto Cutugno (Piacere RaiUno), Ambra Angiolini (Carosello), Giorgio Panariello (Torno Sabato), Nino Frassica (Suonare Stella), Carlo Conti (I migliori anni) e àteros.
Faghet s’atore in medas films, sit-com e teleromanzos nassionales. Sua est puru sa cumèdia musicale Boghes de domo, po RAITre.