Balentia

(1995)

S

os Balentia naschen in su 1995 dae s’iscontzada de sos Mogoro Posse. In su 1995 essit su primu demo: Balentia Sarda. In su 1997 lompen a sas finales a unu cuncursu nassionale de importu, “Indipendenti ‘96”, leande su de tres postos. S’annu beninde sa truma leat parte in Stocarda a su meeting “The rap feeling” in mesu a realidades hip pop europeas. In su  ’98 faghen su primu discu ufissiale, su EP in vinile Sa Lei /Cantu balit su fueddu. In su ’99, paris a Sapatimaba, sos Balentia faghen su primu tour de s’istòria de su rap sardu, sonande cun trumas musicales de importu siat nassionales siat internassionales. Sèmpere in su matessi annu lean parte a compilations de balore internassionale cale Suoni della strada vol. I (Good Stuff/SDS), Eclissi CD (Parcheggio Abusivo THC), La carica dei 101 (Homiez and Money rec.). In su 2001 sa giuria de su de III Festival della Canzone Sarda lu prèmiat. Sèmpere in su 2001 est protagonista in parte de importu de su cd L’Alieno de K.Wild. Tocat de isetare su 2003 pro iscurtare su primu cd ufissiale issoro: Nos’e tottu, e de su sìngulu Gentixedda, retzinde cunsensu de pùbricu e de crìtica. Dae su 2005 sos Balentia faghen tours, sonande pro trumas connotas e pro contu issoro, siat in Sardìnnia e siat in terramanna. In su 2008 retzin su prèmiu Sa Limba pro su cuncursu intregadu a sos grupos rap de s’ìsula. Sèmpere in su 2008 lean parte a su progetu “Brinca” sonande in Bologna. Su 2010 si faghen unu “zirigheddu” in Europa. In su 2012 bessit Vidas & Rimas. In su 2018 bessit Nieddu, totu in sardu, chi faeddat de chistiones ligadas a sa discriminassione, sa timòria de su chi est difarente…