Cordas et Cannas

(Terranoa, 1978/79)

S

a truma de “Cordas e Cannas” est nàschida in Terranoa (Olbia) in su 1978/1979 dae s’atopu de musicistas chi aian camineras difarentes ma sas matessi miras e disizos musicales. Su tribàlliu issoro puntat luego a torrare a dare lughe a sos iscritos de sos poetas e cantadores sardos faghende cuntzertos in totu sa Sardìnnia. S’istile nd’essit a pizu cun su tempus, incomintzande dae Cantos e musica de sa Sardigna, su primu discu de su 1983, sighinde cun su segundu Scalmentu, de su 1985, pro arribbare a Musicalimba, su de tres de su 1988, comente chi esseret unu tribàlliu ùnicu divididu in tres: “istèrrida, crèschida e cumprida”. In su 1999 essit Fronteras, unu discu inue b’at inintro un’isfortzu mannu in su de contare e arresonare de sas chistiones de importu de sa sotziedade nostra (minas contra-òmine ispartighinadas in totu su mundu, su respetu de su logu, s’identidade culturale de sos pòpulos, e g. s.). Sighin azudos cun musicistas famados fintzas de su jazz e de àteras zenias musicales (Paolo Fresu, Antonello Salis, Peter Gabriel, e g.s.) pro chircare de sighire a mustrare chi sa mùsica sarda est aberta a àteras culturas, comente aian sèmpere fatu. An fatu unu fragassu mannu de cuntzertos in pratzas, festival e teatros in Sardìnnia, in Europa e in sos Istados Aunidos. S’ùrtimu discu est Terra muda, imprentadu in su 2018.