Paolo Pillonca

(Òsile, 1942 – Casteddu, 2018)

P

àulu Pillonca est nàschidu in Òsile s’8 de su mese-de-Santuaine de su 1942. Fit zornalista, iscritore, autore de òberas teatrales. Si fit laureadu in s’Universidade de Casteddu in su cursu de lìteras e aiat fatu s’imparadore in s’iscola mèdia e in su liceu de Seui. Aiat triballiadu fintzas cun s’Universidade de Tàtari. At istudiadu sa poesia improvisada sarda pro prus de chimbant’annos. In su 1996 at imprentadu Chent’annos, cantadores a lughe ‘e luna, un’iscritu susu s’istòria de sa poesia a bolu, òbera de importu mannu pro chie si cheret acostare a cust’arte populare antiga sarda. Est òmine chi at iscritu meda susu sos poetas mannos de Sardìnnia cale: Remundu Piras, Giusepe Sotgiu, Barore Sassu, Frantziscu Sale e Totoni Crobu. In su 1987 at azuadu paris cun Piero Marras ponende sa frima de s’album Funtanafrisca, in prus at dadu una manu de azudu pro su cd Tumbu de su 1995. Dae su 1978 a su 1988 fit responsàbile de sa redassione nugoresa de s’Unione Sarda. Chimbant’annos apustis at cumpostu sas cantones de s’album Animas torran de Francu Madau. Dae su 1988 a su 2000 at dirìgidu s’Ufìssiu Imprenta de sa Regione Sarda. Est mortu in Casteddu su  26 de maju de su 2018.

At imprentadu:

Fascismo e clero nel divieto delle gare poetiche, Cagliari, 1977; Sardegna segreta, cronache del villaggio, Roma 1986; Narat su diciu, Proverbi del popolo sardo, Cagliari 1987; Funtanafrisca, peràulas de totu sas cantones in limba sarda de su discu omònimu de Piero Marras, Sassari, 1987; Caddos, tradizioni e miti equestri in Sardegna (fotografia de Sarbadore Ligios, introdussione de Giuanne Lilliu), Sassari, 1995; Tumbu, peràulas de sas cantzones in limba sarda de su discu omònimu de Piero Marras, Sassari, 1995; Chent’annos, cantadores a lughe ‘e luna, Sassari, 1996, bàtor edissiones; Laras, cantones de lunas antigas, Cagliari, 2001; Remundu Piras, il poeta della gente, Cagliari, 2003, prima imprenta in su 2004; Il silenzio e la parola, Cagliari, 2003; Peppe Sozu, Cagliari, 2003; Remundu Piras, Cagliari, 2003; Frantziscu Sale, nel solco degli aedi, Cagliari, 2004; Juanninu Fadda, Cagliari, 2004; L’isola del cuore, Cagliari, 2005; Bore Poddighe, Cagliari, 2005; Antonandria, romanzu in limba sarda, Cagliari, 2006; Mancarìas, La parlata di Seui, Cagliari, 2006; Sedas lizeras, iscritos inèditos de sos poetas biddanoesos, Cagliari, 2006; Abbas de terra, iscritos inèditos de sos poetas biddanoesos, Cagliari, 2006; Madre Terra, Nonna Luna, Cagliari, 2007; Collana Subra su palcu (ùndighi volumineddos), Cagliari, 2007; Il bandito senza colpa, Cagliari 2008; Remundu Piras Opera Omnia, Cagliari, 2009; Vita di Samuele Stochino, Sassari, 2009; Barore Sassu, Cagliari, 2010; Antigone (bortada in sardu dae s’òbera grega de Sofocle), Cagliari, 2010; Salvatore “Boìcu” Pianu de Cabuterra, Cagliari, 2010; Libertade, diàriu italianu e versos sardos de su poeta antifascista desulesu Sarbadore Fais Fadda, Cagliari, 2011; Aiace (bortada in sardu dae s’òbera grega de Sofocle), Cagliari, 2011; Beberè, la mufla dalle due vite, Cagliari 2013.

SES TUE
(Càntigu ‘e s’orfanìa)

Lumera
in sas dies nieddas
galana
che arvèschida jara
lentore
in sa terra brujada
ses tue, ses tue.

Beranu
chi fiorit su sartu
isteddu
in sa néula frita
disizu
de durcuras cuadas
ses tue, ses tue.

Ponemila una manu subra palas
caèntami su coro e sa carena:
finamentra sas oras pius malas
m’an a parrer un’abba lena lena.

Carignu
de arcanos sentidos
istrina
de fiores de monte
aura
d’istajones fadadas