Antonio Simon Mossa

(Padova, 1916 – Tàtari, 1971)

F

ut architetu, polìticu, iscritore e pentzadore sardu. Est su babbu de su neosardismu (o segundu sardismu o sardismu indipendentista). S’est laureadu in Architetura in su 1941. Antoni Simon Mossa at incarreladu sa gherra  pro sa defensa de sa limba sarda  intre sos annos ’50 e ’60 de su sèculu XX in su tempus de su primu Pianu de Rinàschida cando sos partidos italianos in su Cossizu Regionale in Casteddu an crèfidu sas indùstrias in Sardìnnia. Simon Mossa at cumpresu luego chi sa limba sarda fut in perìgulu de isparire cun s’iscola pro totus e a su matessi tempus de una polìtica mirada a mudare sos massajos e sos pastores in obreris ispetzializados e sindicalisados.
Comente polìticu at fatu parte de su Partidu Sardu e posca in su 1964 at mandadu adenanti su MIRSA (Movimentu Indipendentista Revolussonàriu Sardu). Fut amantiosu de sas limbas, tantu est beru connoschiat: s’italianu, su sardu (ambas cambas), sas àteras limbas faeddadas in Sardìnnia, su gregu clàssicu, su latinu, su cadalanu normadu de sa Cadalùnnia, ma fintzas medas àteras limbas nassionales ufissiales e de minoría. Simon Mossa at bortadu in sardu fintzas sos evanzèlios. E gràssias a s’assione sua chi est nàschidu in sos annos ’70 su movimentu linguìsticu sardu.