Paricis agentzias ant chistionau de s’aprovu de is Arrègulas de sa Provìntzia de Casteddu. Grandu prexu po una detzisioni stòrica pigada a totòmini, manca e dereta impari, in su surcu de sèculus e sèculus de connotu literàriu chi is Sardus etotu ant bòfiu. Cun custa delìbera sa Provìntzia de Casteddu at fatu biri comenti tocat a si movi po fai sa cosa de manera democràtica e cunforma a sa fueddada de su logu. Unas cantu agentzias e giassus:
Is Arrègulas in is agentzias
Su Paleo-sardu de E. Blasco Ferrer
Eduardo Blasco Ferrer, su linguista famau est bessiu cun d-unu traballu nou a ingìriu de sa chistioni de su paleo-sardu. Apustis de annus de stùdiu e de circa intra sa Spànnia e sa Sardìnnia, su professori cadalanu ndi at bogau a pillu una faina de profetu chi incìngiat unu mori nou po is stùdius de custa genia. A sa segura […]
Cincu po milli/Chimbe pro milli
Amiga stimada, amigu stimau, ocannu puru fait, ponendi su còdixi camerali 92165530921 e sa firma tua, a donai su 5 x 1000 a s’Acadèmia de su Sardu onlus. S’Acadèmia de su Sardu onlus est faendi faina de su 2009 in totu su chi pertocat su stùdiu, sa circa, sa defensa, su spainamentu e s’apretziamentu de sa Lìngua sarda, imperendi po su […]
Sa delìbera de is Arrègulas
Teneus su praxeri de pubricai sa delìbera stòrica de sa Provìntzia de Casteddu, de su 17 de martzu de su 2009, chi at aprovau s’afillamentu de su standard campidanesu de sa Lìngua Sarda de is Arrègulas. Una detzisioni giusta, pigada a totòmini, chi fait onori a s’enti casteddaju e chi at marcau una dii de importu mannu po su sardu. […]
Is Arrègulas in Nùgoro
“Ite nobas” su programa de Toninu Bussu in “Radio Nùgoro Centrale” at chistionau de s’avotu de sa Provìntzia de Casteddu apitzus de is “Arrègulas”. Gràtzias a Toninu e a su programa de issu po s’importu chi at donau a custu acontèssiu. Ligei-sì sa nova innoi in bàsciu. Die de importu mannu oje in Casteddu pro sa limba campidanesa Ischimus chi […]
Leave a comment