Balentia

(1995)

I

s Balentia nascint in su 1995 de sa sciusciada de is Mogoro Posse. In su 1995 bessit su primu demo: Balentia Sarda. In su 1997 lompint a is finalis a unu cuncursu natzionali de importu, “Indipendenti ’96”, liendi su de tres postus. S’annu infatu sa truma pigat parti in Stocarda a su meeting “The rap feeling” de unas cantu arrealidadis hip pop europeas. In su ’98 faint su primu discu ofitziali, su EP in vinili Sa Lei /Cantu balit su fueddu. In su ’99, impari a Sapatimaba, is Balentia faint su primu giru (tour) de sa stòria de su rap sardu, sonendi cun trumas musicalis de importu, siat natzionalis siat internatzionalis. Sèmpiri su pròpiu annu pigant parti a unas cantu compilations de vàllia internatzionali che Suoni della strada vol.1 (Good Stuff/SDS), Eclissi CD (Parcheggio Abusivo THC), La carica dei 101 (Homiez and Money rec.). In su 2001 sa giuria de su de III Festival della Canzone Sarda ddus prèmiat. Sèmpiri in su 2001 est protagonista de parti de importu de su cd  L’Alieno de  K.Wild. Tocat a abetai su 2003 po ascurtai su primu cd ofitziali insoru: Nos’ e tottu, e de su sìngulu Gentixedda, arricendi cunsensu de pùbricu e crìtica. De su 2005 is Balentia faint tours, sonendi po trumas connotas e po contu insoru, siat in Sardìnnia siat in terramanna. In su 2008 arricint su prèmiu Sa Limba po su cuncursu intregau a is grupus rap de s’ìsula. Sèmpiri in su 2008 pigant parti a su progetu “Brinca” sonendi in Bologna. Su 2010 si faint unu “girixeddu” in Europa. In su 2012 bessit Vidas & Rimas. In su 2018 bessit Nieddu, totu in sardu, chi fueddat de chistionis acapiadas a sa discriminatzioni, sa timoria de su chi est diferenti…