Emanuele Garau

(Casteddu)

S

’est laureau in scenografia a s’Acadèmia de is Bellas Artis de Tàtari; amantiosu e studiosu de su connotu, finsas a oi at scritu noi lìburus apitzus de su connotu musicali de Sardìnnia, unu romanzu e una monografia apitzus de sa cantanti folk famada Maria Carta.
In su 1995 cumentzat sa carriera de cantanti solista de cantus sardus de su connotu. In su 2000 bincit su primu prèmiu a su cuncursu “Music World” de Fivizzano (MS) in sa categoria “cantu populari a solu”.
In totu sa vida artìstica sua, Emanuele Garau at cantau in d-unu sciacu mannu de spetàculus in Sardìnnia, in Itàlia e foras de Itàlia.
Est andau a fitianu a sa televisioni e a s’arràdiu e at fatu medas atòbius in Sardìnnia e foras a comenti spertu de su connotu. In su 2003 est stètiu professori de “Etnologia de sa mùsica” in s’Universidadi de Casteddu in su maistàrgiu post-universitàriu “Approcci interdisciplinari nella didattica del sardo”. At fatu puru unu biaxi de cursus de formatzioni po professoris apitzus de su connotu de Sardìnnia.
De pagu at lassau sa boxi sua po fai unus cantu documentàrius po RAI3, RAI Sardegna e Radio RAI Sardegna.
Est de importu mannu s’arrelatu de Emanuele Garau cun su teatru; at fatu una bella pariga de fainas teatralis apitzus de su connotu sardu, ma de pagu est stètiu unu de is protagonistas de su spetàculu “Su tempus malu” cun sa regia de Alessandro Arabito, impari cun Maria Luisa Congiu e Clara Farina.