![](https://www.academiadesusardu.org/wp-content/uploads/2021/01/lessicografus3-300x300.png)
(Berchidda, 1878 – 1954)
F
iat su de seti fillus de una famìllia chi biviat de laurera e pasturia. Ordinau predi in su 1900 in sa Seu de Otieri at pigau sa làurea in Teologia in Tàtari in su 1901. Apustis at fatu su professori de lìteras in Otieri de su 1901 a su 1908 e in is ùrtimus duus annus fiat finsas visu-arretori e arretori in Òschiri. Funt de custus tempus is Prèigas famadas in sardu logudoresu (nd’iat fatu in casi 300 crèsias de Sardìnnia). Fiat arretori in bidda sua de su 1912 finsas a sa morti in su 1954. Po sa novena de Paschixedda de su 1927 iat stèrriu “Cantones de Nadale”, poesias sardas-sardas in cantu cunforma a su connotu, cun mùsica de Don Agostino Sanna. In su 1929 at tradùsiu “Sa Divina Cumedia de Dante in Limba Salda”. Totu su chi dd’est abarrau de bivi dd’at passau a sa prus òbera de importu sua, est a nai su Fueddàriu sardu logudoresu – italianu, imprentau de sa Regioni Sardìnnia in su 2002 a incuru de Giulio Paulis, cun 54.687 lemas, finsas cun cd-rom.