Michelangelo Pira (Mialinu)

(Aristanis, 1939 – Cuartu, 1980 )

M

ialinu Pira (allomingiau ‘Mialinu de crapinu’) fiat s’antropòlogu sardu chi mellus at pigau in cunsideru e studiau sa chistioni linguìstica sarda in su campu antropològicu. Pruschetotu at studiau is chistionis chi pertocant sa sòtziu-linguìstica e duncas su problema chi ndi benit de su smenguamentu de sa trasmitidura de sa lìngua sarda de mama a fillus, est a nai de s’arredusimentu de su nùmeru de is pipius chi teniant su sardu che lìngua de bratzolu (o limba mama). Custas circas ddas at fatas candu su pòpulu sardu est passau de una sotziedadi arrexinada in sa laurera e in sa pastoria a una sotziedadi industrialisada e de su consumu, candu est cumentzada a smenguai sa trasmitidura de sa lìngua de mama a fillus. Seus chistionendi duncas de is annus ’60 e ’70 de su sèculu XX.
In calidadi de antropòlogu at scritu in italianu duas òberas chi pertocant s’antropologia culturali e sa sòtziu-linguìstica «Sardegna tra due lingue» (in su 1968) e «La rivolta dell’oggetto» (in su 1978). Mialinu Pira che a scridori at stèrriu finsas unu de is primus romanzus in sardu logudoresu/nugoresu cun su tìtulu «Sos sinnos».