Antonino Rubattu

(Rodi, 1938 – Sènnaru, 2019)

A

ntonino Rubattu est nàscïu in Lindos (ìsula de Rodi, in su mari Egeu) in su 1938 e est mortu in Sènnaru a s’edadi de 81 annus in su 2019. Famau meda in totu sa Sardìnnia ca fiat poeta, tradusidori e lessicògrafu de vàllia in lìngua sarda. Fiat laureau in Lìteras e po totu sa vida at fatu circa scientìfica in su campu de sa Lìngua sarda. In Sènnaru, sa bidda sua, fiat sìndigu de su 1975 finsas a su 1983. At fatu parti de sa primu cumissioni de spertus stantargiada de sa RAS po fai sa norma de sa lìngua sarda. Dirigidori de su giorronali «S’Ischiglia» po dexi annus. De Rubattu nos’est partu giustu meda a dd’arregordai in custa setzioni po is fainas de lessicografia e difatis est famau po su «DULS» o «Ditzionàriu universali de sa Limba Sarda» aundi agataus totu su sardu (in is bariedadis mannas logudoresa, nugoresa e campidanesa) e finsas in d-unas cantu àteras lìnguas de Sardìnnia (gadduresu e tataresu). Àtera òbera de importu mannu po su chi pertocat sa lessicografia est: «Sa faeddada de Sènnaru» (chi est unu ditzionàriu de sa fueddada de sa bidda sua).