Alessandro Pili

(Sòrgono, 1978)

C

umentzat a retzitai a piciocheddu in sa truma teatrali “Santa Bàrbara” de Senorbì, po prus de dex’annus fait cumèdias in Sardu de Antoni Garau e de predi Arremundu Fresia. De su 2006, e po doxi annus, in televisioni, a Videolina, e me is spetàculus de istadiali a giru po totu sa Sardìnnia cun is personàgius spassiosus chi at imbentau issu etotu (is prus connotus funt su Sìndigu de Scraffìngiu, don Gigi, su Sonadori de launeddas).
In su 2019 portat a teatru “Scraffìngiu per tutti”, unu spetàculu in Sardu scritu e dirìgïu totu de issu, chi at fatu prus de 70 rèplicas in duus annus.
Imoi traballat cun Radiolina, che autori e presentadori de Atòbius, una trasmissioni in Sardu ghiada impari cun Pàula Pilia e finsas che condusidori de su Weekend imparis cun Giusepi Valdes.
Traballat puru cun s’Unione Sarda incurendi-sì de sa rubrica “Da Sindaco a Sindaco”, aundi atòbiat is sìndigus de is biddas de Sardìnnia pregontendi-ddis crosidadis apitzus de sa bariedadi de sa lìngua sarda fueddada me is biddas insoru. In su 2021 in Videolina est autori, regista e presentadori de sa trasmissioni de cabaret “Scraffìngiu Bar Centrale”.