Claudia Aru

(Biddaxidru, 1981)

C

làudia nosi contat su mundu anca est “nàscïa e pàscïa”, e chi duncas connoscit, cun irriverèntzia e ironia. Candu cantat tenit sèmpiri unu tràgiu teatrali e unu colori chi a bortas arregordat su tempus passau, ma sèmpiri cun modernidadi e bortas meda cun impìnniu sotziali. Issa cantat in ingresu, italianu e pruschetotu in sardu. Cun Arrogalla (Frantziscu Medda) fundat sa truma Bentesoi, chi sonat mùsica eletro-folk cun sonoridadis dub. Traballat impari a Sa Razza, Benito Urgu, Randagiu Sardu, Elena Ledda, Rossella Faa, Orlando Mascia, Marino de Rosas… In su 2012 nascit Aici unu discu sìngulu e Burdu Bu cun sa collaboratzioni de Joe Perrino. Apustis produsit A Giru a giru, Sa prus Bella, Pocos Locos y Mal Unidos. Vergogna-Bregùngia. In su 2015 sighit unu cursu de cantu jazz e aici cantat, scriit e produsit Momoti, anca intreverat funky, rock progressivu e blues alternativu e arrìtimus samba, balcan e swing. In su 2015 bincit cun sa cantzoni Fogu su prèmiu po sa mellus interpretatzioni a su Prèmiu Andrea Parodi. Presentat (impari a àterus artistas) su Suns Sardigna e agoa su Suns Europe. In Radio Rai in su 2021 condusit cun Elio Turno Arthemalle e Vito Biolchini su programa in sardu Vamos alla plaja e, in su 2022, sèmpiri in Radio Rai, condusit custa borta a sola, su programa A giru a giru, custu puru totu in sardu, anca contat is sperièntzias suas fatas biaxendi e portat is spetadoris in giru peri su mundu. Sèmpiri in su 2022 dda tzèrriant de Otieri po presentai in sardu sa de 62 editzionis de su Premio Ozieri di Letteratura sarda chi nos amostat ancora una borta de tenni sèmpiri un’ogu abistu po su benidori.