Istentales

(Nùgoro, 1995)

S

u nòmini de sa truma s’arreferit a un’isteddu aìnturu de Sos tres res (is tres gurreis), chi fiat un ghia po su traballu de pastoris e messajus. Nascint in su 1995 e incarrerant luegus cun d-una produsidura manna de 5 discus in 5 annus: Istentales (2005), Naralu tue (1996), Istentales sempre con voi (1997, discu live), Amsicora (2000). S’impreu de sa lìngua sarda po contai màginis ètnicas pruschetotu acapiadas a sa sardidadi e a sa vida de dònnia dii impari a chistionis chi pertocant, a dolumannu, sa stòria de sa Sardìnnia (disterru, scicutas, vengàntzias, e a.s.) ddus ant fatus a connosci meda in totu s’ìsula. In su 1997 no ddus ant pigaus po su sceberu finali po su Festival de Sanremo ca sa cantzoni insoru in lìngua sarda no dexiat, po sa lògica de su mercau discogràficu, a su festival de sa cantzoni italiana. Finsas a oindii no ant mai mudau genia e tràgiu musicali, aguantendi su stili insoru e sighendi unu tretu artìsticu coerenti, amanniendi dònnia annu su pùbbricu e faendi cuntzertus in totu sa Sardìnnia, finsas po batallas sotzialis e culturalis. Arregordaus, po nai, s’agiudu a is pastoris terremotaus de Càscia in su 2017 (Gigi Sanna etotu, boxi de sa truma, est pastori).